СКОПЈАНЕЦ ЗАГИНА НА ПАТОТ ШТИП – КОЧАНИ Во несреќата се повредени жена и две деца

Триесет и четиригодишниот С.М. од Скопје загина во сообраќајка на експресниот пат Штип – Кочани, а жената и двете малолетни деца поради здобиените повреди се пренесени во штипската Клиничка болница.

-Несреќата се случила во близина на клучката кај селото Крупиште, а според првичните информации, автомобил марка рено „лагуна“ со скопски регистерски таблички излетало од коловозот, а од здобиените повреди починал сопатникот И.М од Скопје – изјави за МИА Гордана Панајотова, портпарол на СВР-Штип.

Увидот во несреќата е во тек. Сообраќајот на експресниот пат Штип-Кочани се одвива по двете коловозни ленти.

На овој експресен пат од почетокот на годината досега во три тешки сообраќајки, животите ги загубија 5 лица.