📽 „ИЗРАЕЛСКАТА ВЛАДА Е РАСИСТИЧКА“ Сандерс му објасни на Нетанјаху „што е антисемитизам“
Американскиот сенатор Берни Сандерс додаде дека неговите изјави се одговор на вчерашните изјави на Нетанјаху дека критиките за политиката на израелската Влада се антисемитски.
Американскиот сенатор Берни Сандерс денеска му порача на израелскиот премиер, Бенјамин Нетанјаху, дека „не е антисемитски да се каже дека екстремистичката влада“ на Нетанјаху убила повеќе од 34.000 Палестинци и повредила повеќе од 77.000 за нешто повеќе од 6 месеци.
– Господине Нетанјаху, антисемитизмот е гнасна и одвратна форма на фанатизам што на милиони луѓе им нанесе невидена штета. Но, ве молиме, не навредувајте ја интелигенцијата на американскиот народ обидувајќи се да ни го одвлечете вниманието од неморалните и незаконски политики на вашата екстремистичка и расистичка влада – напиша Сандерс на својот профил на мрежата Икс.
Сандерс додаде дека неговите изјави се одговор на вчерашните изјави на Нетанјаху дека критиките за политиката на израелската Влада се антисемитски.
Mr. Netanyahu, antisemitism is a vile and disgusting form of bigotry that has done unspeakable harm to millions.
Do not insult the intelligence of the American people by attempting to distract us from the immoral and illegal war policies of your extremist and racist government. pic.twitter.com/CnM6oOrHKd
— Bernie Sanders (@BernieSanders) April 25, 2024