ТРАМП СМЕТА ДЕКА ПУТИН „ВЕРОЈАТНО Е ВМЕШАН“ ВО СМРТТА НА НАВАЛНИ Рускиот претседател за првпат го изговори името на мртвиот опозиционер
Трамп, кој доминираше на републиканските прелиминарни избори, досега беше мек кон Путин.
Поранешниот американски претседател Доналд Трамп изјави дека рускиот лидер Владимир Путин „веројатно“ е вмешан во смртта на опозицискиот лидер Алексеј Навални, кој почина минатиот месец во казнена колонија на Арктикот, објави Политико.
– Не знам, можеби, мислам дека е можно, би рекол веројатно – изјави републиканскиот претседателски кандидат во интервју за Фокс њуз на прашањето дали Путин е одговорен за смртта на Навални.
– Тој е млад човек, па статистички требаше да биде жив долго време… се случило нешто необично – додаде Трамп.
Инаку, рускиот претседател Владимир Путин за прв пат го изговори името на сега веќе починатиот опозиционер Алексеј Навални. По изборната победа тој им се обрати на поддржувачите и на медиумите од неговиот изборен штаб, каде што беше прашан и за Навални, кој почина во затворска колонија во февруари.
– Што се однесува до г-дин Навални. Да, тој почина. Ова е секогаш тажен настан. Имавме и други случаи кога починаа луѓе во затвор. Зар тоа не се случи и во САД – праша Путин.
Ова е првпат Путин да го изговори името Навални откога лидерот на опозицијата беше отруен и приведен во Русија.
Навални, кој беше водечка фигура во руската опозиција, почина на 16 февруари во казнена колонија. ЕУ и САД директно ја обвинија Русија за неговата смрт и воведоа нови санкции кон Кремљ.
Но, Трамп, кој доминираше на републиканските прелиминарни избори, досега беше мек кон Путин. Покрај тоа, Трамп постојано велеше дека ќе ја замрзне помошта за Украина и ќе го принуди Киев на преговарачка маса со Русија. Оваа негова позиција ги загрижува западните сојузници.
Тој во своето интервју за Фокс њуз рече дека се надева дека нема да мора да избира помеѓу Путин да ја „голтне“ Украина и да испрати оружје во Киев.
– Се надевам дека нема да дојде до тоа – рече Трамп, повторувајќи дека ако тој бил на власт, оваа војна „никогаш немаше да се случи“.
‼️ #Putin pronounced #Navalny‘s surname for the first time and confirmed the version about the exchange of the oppositionist
“As for Mr. Navalny. Yes, he passed away. This is always a sad event. We have had other cases where people in prison have passed away. Hasn’t that… pic.twitter.com/WpIrc6Z6Ku
— NEXTA (@nexta_tv) March 18, 2024