📽 ГОРИ КИНЕСКИОТ ТРГОВСКИ ЦЕНТАР ВО БЕЛГРАД Во гаснењето вклучен и хеликоптер на полицијата
Полицијата влегува во објектите кои не се зафатени од пожарот и ги евакуира луѓето кои се обидуваат да ја извлечат стоката надвор.
Пожар изби утрово во Кинескиот трговски центар во Нов Белград, јавија локалните медиуми.
Во гаснењето на пожарот се вклучени 46 пожарникари-спасувачи со 13 возила. Вклучен е и хеликоптер на полицијата.
– Се надевам дека нема да има човечки жртви, се слушаат експлозии, се обидуваме да ги убедиме луѓето да не влегуваат за да си го спасат имотот, ситуацијата е сложена – изјави раководителот на секторот за вонредни ситуации Лука Чаушиќ.
Полицијата влегува во објектите кои не се зафатени од пожарот и ги евакуира луѓето кои се обидуваат да ја извлечат стоката надвор.
Медиумите информираат дека се слушнале и неколку експлозии, а чад го покрива тој дел од Белград.
Причината за пожарот е непозната.
Во тој трговски центар голем пожар избувна и пред повеќе од две години.