📷 ПРЕКРАСНАТА АМАЛ ВО СТАЈЛИНГ ПОДОБАР ОД МАЛИОТ ЦРН ФУСТАН Џорџ Клуни не може да ги тргне очите од својата сопруга
Џорџ и Амал Клуни пристигнаа на црвениот тепих во Лондон за премиерата на филмот „The Boys in the Boat“ и уште еднаш покажаа врвен стил.
Холивудскиот актер и режисер Џорџ Клуни пристигна на црвениот тепих во Лондон за премиерата на филмот „The Boys in the Boat“ што тој го режираше. Покрај него беше неговата сопруга Амал, а како што често се случува, славната двојка прикажа вистинска стилска лекција базирана на безвременски црн изглед.
И додека Џорџ беше многу отмен во црн костум без вратоврска, адвокатката за човекови права изгледаше неверојатно стилски во скроен комплет кој ги имаше сите елементи на празничен стил. Кадифето во комбинација со одличниот крој даде суптилен, но многу модерен пресврт.
View this post on Instagram
Наместо класичниот мал црн фустан, овој пат Амал се одлучи за панталони и топ во форма на корсет со кадифени детали кои се совршени за секоја празнична забава. Горниот дел во стилот на корсет што одговара на формата дојде во комплет со драматично длабоко деколте, а убавата Амал го спои со кадифени панталони со сјаен финиш за одличен монохроматски изглед.
Секако, ниту еден изглед на Амал не би бил комплетен без препознатливите и стилски внимателно одбрани модни додатоци: овој пат таа носеше црно-златна мала „клач“ чанта со цврста форма и нејзините омилени чевли – пар високи црни салонки.
View this post on Instagram
Со оглед на тоа што Амал најчесто избира фустан за појавување на црвениот тепих, а омилениот избор се долгите, винтиџ модели, оваа промена со структуриран дводелен комплет беше вистинско стилско освежување и пример за врвен шик.
View this post on Instagram
ФОТО: Инстаграм