ХАМАС ОСЛОБОДИ ДВАЈЦА ЗАЛОЖНИЦИ Американка и нејзината ќерка пуштени „со посредништво на Катар“

Палестинската група Хамас денеска соопшти дека ослободила Американка и нејзината ќерка кои биле заложници во Газа по нападот на исламистите врз Израел на 7 октомври.

Воениот портпарол на групата во соопштение нагласи дека заложниците се ослободени „врз хуманитарна основа како резултат на посредништвото на Катар“.

Некои американски медиуми пренесоа дека жената се вика Џудит Раанан, а нејзината ќерка Натали.

Медиуми во Тел Авив цитираат израелски официјални лица кои појаснуваат дека одлуката на Хамас за ослободување на заложниците била направена еднострано и дека Ерусалим не понудил ништо во замена.