ЛИДЛ ЌЕ ГРАДИ ЛОГИСТИЧКИ ЦЕНТАР ВО КУМАНОВО За земјиште од 17 хектари вчера понуди 5,3 милиони евра
На јавното наддавање по пат на електронска аукција што го организираше општината учествувале 3 компании.
Компанијата „Лидл“ ќе гради логистички центар во индустриска развојна зона во Горно Коњаре кај Куманово.
Компаниата купи поршина од 17 хектари (170.996м2) за кои ќе плати 5,3 милиони евра.
Информацијата денеска ја обелодени Општина Куманово која информира дека вчера на јавно наддавање продаде земјиште на трговскиот ланец „Лидл“ за изградба на логистички центар.
На јавното наддавање по пат на електронска аукција учестувале 3 компании.
„Најповолен понудувач со највисока понудена цена имаше компанијата ДТМ ЛИДЛ Северна Македонија ДООЕЛ, со седиште во Скопје. Најповолната понуда изнесува 1906 денари за 1м2, или вкупно за 170.996м2 (~17ха) е 325.920.015 денари (~5,3 милиони евра)“, соопшти општината.
Кко што е соопштено, по завршување на административната постапка за избор на најповолен понудувач и по исполнување на сите услови пропишани во јавниот повик, имотот ќе премине во сопственост на најповолниот понудувач по што ќе следува реализација на инвестицијата.