(ФОТО+ВИДЕО) АВИОН ОД МИЛАНО ПРИНУДНО СЛЕТА ВО РИМ ИЗРЕШЕТАН ОД ЛЕДЕНИ ТОПКИ Италија погодена од екстремно силно невреме
Исклучително силното невреме, пропратено со град и ветер, во Милано во текот на ноќта предизвика голема материјална штета, а една 58-годишна жена жена го загуби животот откако врз неа паднало дрво.
Авионот кој полета од аеродромот во Милано кон Њујорк мораше принудно да слета на аеродромот во Рим поради големо оштетување на прозорците и клунот кој беше искршен од ледените топки што паѓаа во силното невреме што доцна синоќа и утрово ја зафати северниот дел на Италија.
il volo #DL185 decollato da #Milano #Malpensa diretto a #NewYork Jfk è atterrato a Roma Fiumicino dopo aver dichiarato emergenza salendo in quota, una forte grandinata ha danneggiato varie componenti#meteo #avgeek #maltempo #squawk7000 #hail #aviation pic.twitter.com/00StVGX3mH
— Vola Milano Malpensa [MXP] (@VolaMalpensa) July 24, 2023
Исклучително силното невреме, пропратено со град и ветер, во Милано во текот на ноќта предизвика голема материјална штета, а една 58-годишна жена жена го загуби животот откако врз неа паднало дрво.
Милано и околината утринава околу 4 часот ги зафати невреме со силен дожд, град и ветрови со брзина поголема од 100 километри на час, што е второ невреме за нешто повеќе од 12 часа.
#Milano Nuova tempesta nel corso della notte. La città si sveglia alle 4 del mattino sotto fortissime raffiche di vento. Cielo da “discoteca” con fulminazioni a raffica. #maltempo #LocalTeam pic.twitter.com/UtTjfCFez0
— Local Team (@localteamtv) July 25, 2023
Невремето предизвика огромни штети на згради и автомобили, доведе и до отежнат сообраќај поради дрвјата кои паднаа на улиците, а во некои делови од градот беше издадено известување граѓаните да не излегуваат од домовите.
Од фотографиите кои кружат на социјалните мрежи, може да се види дека во некои делови паднал силен град со огромни ледени топки од речиси половина килограм.
Голем број автомобили беа целосно уништени од силниот град.
Ова е трета екстремна бура за помалку од 48 часа што предизвика штети на посевите, па регионот Ломбардија ќе побара од Владата да прогласи состојба на природна катастрофа.
Цивилната заштита на Италија ја прикажува појавата на бури во реално време на својата веб-страница и објави препораки за граѓаните како да се однесуваат и да се заштитат.