ДРОНОТ ШТО ПАДНА БЛИЗУ МОСКВА Е ИСТ КАКО ТОЈ ВО ХРВАТСКА? Леталото повреди три лица во градот Киреевск

Дрон од типот Ту-141 Свифт во неделата падна на 150 километри од Москва во Киреевск во регионот Тула. Руските медиуми велат дека ист таков беше дронот кој лани падна во Загреб, пишува Индекс. Според агенцијата Тасс, се работи за дрон од украинско потекло.

Леталото кое денеска експлодираше близу Москва било полно со експлозив. Во инцидентот повредени се три лица, делумно оштетени се три станбени објекти.

Според руското Министерство за одбрана(МО), дронот бил соборен со што била сменета неговата насока и паднал во Киреевск.

BREAKING ‼️
A drone may have felt in Kireevsk, Tula region, in Russia causing destruction and casualties according to local channels.

Officially, nothing happened
#Russia #Moscow #Ukraine pic.twitter.com/QCs8mJVtvx

— @PStyleOne1 (@PStyle0ne1) March 26, 2023

На местото на ударот во моментот се ангажирани спасувачките служби и дека нема опасност по безбедноста на населението и инфраструктурата. Шефот на регионот Алексеј Дјумин веднаш бил информиран за експлозијата и ја координира работата на сите служби и натамошните активности.

Во неколку наврати Русија и Украина меѓусебно се обвинуваат за користење на овие дронови. Последен пат тоа се случи на почетокот на декември, кога Русите рекоа дека Украинците ги нападнале нивните воздушни бази со дрон како оној што падна врз Загреб.

Дронот Ту-141 Стриж е од советското време и повеќе личи на крстаречка ракета отколку на современ дрон.

ДРОНОТ ВО ЗАГРЕБ БИЛ УКРАИНСКИ Бомбата од 120 кила била наменета за руските сили