ЌЕ НАПРАВИТЕ ТЕШКИ КОМПРОМИСИ, И ВИЕ И ТИЕ Блинкен со порака го честиташе Денот на државноста на Србија

Српските и косовските лидери ќе „направат тешки компромиси“ со цел да ги нормализираат односите меѓу Белград и Приштина, што ќе донесе безбедност и просперитет за сите граѓани на Западен Балкан, изјави денеска американскиот државен секретар Ентони Блинкен, честитајќи го Денот на државноста на Србија.

„Во име на САД, сакам да му го честитам на народот на Србија Денот на нивната државност“, наведува  Блинкен во соопштението на Стејт департментот.

„Убеден сум дека нормализацијата на односите меѓу Србија и Косово ќе донесе безбедност и просперитет на Србија и на сите граѓани на Западен Балкан. Српските и косовските лидери ќе направат тешки компромиси за да ги постигнат тие цели, но придобивките за српскиот народ – и за целиот регион – ќе бидат огромни“, пишува Блинкен.

Тој изјави дека САД го ценат стратешкото партнерство што го имаат со Србија со цел постабилна, посигурна и просперитетна иднина за сите граѓани на Западен Балкан, како и дека САД силно ги поддржуваат европските амбиции на Србија.

„Ние сме посветени да работиме со вас и нашите партнери од Европската унија (ЕУ) во постигнувањето на таа важна цел“, рече Блинкен.

Тој апелираше до Србија да ја поддржи Украина против руската „неиспровоцирана, неоправдана и брутална војна“.