СЕУЛ ВОЗВРАТИ СО ТРИ РАКЕТИ НА 17-ТЕ ОД ПЈОНГЈАНГ Првпат во 70 години ракети да завршат надвор од граничните води
Ракетите биле истрелани во водите „блиску до северната гранична линија на оддалеченост што одговара на онаа која севернокорејскиот проектил ја погоди, се вели во соопштението на војската на Јужна Кореја.
Јужна Кореја испука три балистички проектили во водите на Северна Кореја како одговор на 17 ракети испратени од Пјонјанг утринава од кои една заврши на 60-тина километри внатре во нејзините води. Ова е првпат во последните 70 години проектили да завршат надвор од воспоставената граница, откако полуостровот е поделен на Север и Југ во 1945 година.
„Ракетите биле истрелани во водите „блиску до северната гранична линија на оддалеченост што одговара на онаа која севернокорејскиот проектил ја погоди“, се вели во соопштението на војската на Јужна Кореја.
Сеул „остро ќе одговори на секоја провокација“, се додава во соопштението.
Претходно, претседателот на Јужна Кореја, Џун Сук Јеол го осуди „територијалниот напад“ кој ја преминал границата во водата.
САД и Јужна Кореја во текот на вчерашниот ден изведоа поголема воена вежба со над 200 авиони близу териториите на Северна Кореја што ги предизвика властите во Пјонгјанг.