ГРАНАТИРАН Е КИЕВ Четири експлозии го разбудија градот (ФОТО)
Агенцијата Франс прес јави дека експлозиите се случиле околу 6.30 часот по локално време, половина час откако се огласиле сирените за воздушниот напад врз главниот град, кој речиси три недели не бил под руско бомбардирање.
Четири експлозии одекнаа рано утринава во областа Шевченко во украинскиот главен град Киев, изјави градоначалникот Виталиј Кличко. Погоден е станбен комплекс во близина на центарот. Засега нема информации за причините за експлозиите или за жртвите.
„На местото на настанот испратени се екипи на брза помош и спасувачи. Подетални информации – подоцна“, напиша Кличко на Телеграм.
We just arrived in #Kyiv by train & as soon as we got out of the railway station, city was hit by 4 missile strikes. #war #Russia #invasion #Ukraine @AlessioMamo pic.twitter.com/Rsm7067tnK
— Lorenzo Tondo (@lorenzo_tondo) June 26, 2022
„Се спасуваат и се евакуираат жителите од две згради“, се вели во објавата.
Историскиот кварт, еден од централните во Киев, е дом на голем број универзитети, ресторани и уметнички галерии, пренесува Гардијан.
Агенцијата Франс прес јави дека експлозиите се случиле околу 6.30 часот по локално време, половина час откако се огласиле сирените за воздушниот напад врз главниот град, кој речиси три недели не бил под руско бомбардирање.
Вработените на АФП во погодениот станбен комплекс слушнале силно зуењето што им претходело на експлозиите.