ЏОРЏ БУШ ЈА НАРЕЧЕ УКРАИНА „ИРАК“ Публиката се засмеа на лапсусот (ВИДЕО)
Мислам, Украина де, одмавна Буш со главата за да ја поправи реченицата во која ги критикуваше Путин и војната.
Поранешниот американски претседател Џорџ Буш Помладиот во свој говор денеска во градот Далас рече дека „ова е брутална и неоправдана инвазија на Ирак… мислам, Украина“. Лапсусот предизвика лавина коментари и смеа на социјалните мрежи.
Former U.S. President George W. Bush: “The decision of one man to launch a wholly unjustified and brutal invasion of Iraq. I mean, of the Ukraine” pic.twitter.com/IanADTcAg6
— BNO News (@BNONews) May 19, 2022
– Резултатот (на таквиот систем во Русија) е недостатокот на контрола и рамнотежа, што му овозможи на еден човек да изврши целосно неоправдана и брутална инвазија на Ирак – рече Буш, а потоа одмавна со главата и се поправи:
– Мислам, Украина де.
Не е првпат американски претседател да направи лапсус или бисер пред медиумите. Годинава актуелниот претседател на САД, Џо Бајден, во два наврати се ракуваше со воздухот, а познати се и неговите силни изјави во врска со Украина кои на неколку пати Белата куќа мораше да ги „испегла“.