ПРОМЕНЛИВО ОБЛАЧНО Температура до 27 степени

Времето денеска ќе биде променливо облачно со повремени локални врнежи од дожд претпладне. Во јужните делови претпладне врнежите ќе бидат поројни, проследени со грмежи. Ќе дува засилен до силен северен ветер кој повремено ќе достигне брзина над 60 километри на час.

Минималната температура ќе биде во интервал од 8 до 15, а максималната ќе достигне од 19 до 27 степени.

Во Скопје, слично време со повремени врнежи од дожд и засилен, повремено силен ветер од северен правец.

Минималната температура ќе се спушти до 12, а максималната ќе достигне до 24 степени.