ДАЛИ НОВАК ЈА ИЗЛАЖАЛ ГРАНИЧНАТА ПОЛИЦИЈА? Австралиската влада започна истрага, се проверуваат сите документи (ФОТО+ВИДЕО)
Се шпекулира дека Новак се подготвувал во Марбеља, Шпанија, пред да пристигне во Мелбурн, поради што е доведен во прашање неговиот настап на Австралија опен, без разлика што Судот ја прифатил неговата жалба и што почнал да тренира.
Австралискиот министер за миграција Алекс Хок сѐ уште ја разгледува одлуката за депортација, а за тоа време американскиот новинар Бен Ротенберг на јавноста и ги презентираше документите до кои дошол во врска со „неправилностите“ што можел да ги направи Новак, а кои сега се истражуваат.
NEW:
More document trouble for Novak Djokovic.
On his Australian Travel Declaration, released by federal court yesterday, Djokovic stated he had NOT traveled in 14 days prior to his Jan 6 arrival here.
In fact, Djokovic had traveled from Belgrade to Spain within that time. pic.twitter.com/Vle7Gg8ycz
— Ben Rothenberg (@BenRothenberg) January 11, 2022
Имено, како што наведува американскиот новинар во своите твитови, Србинот е обвинет дека лажел во документите, односно дека никаде не патувал 14 дена пред да влезе во Австралија.
Се шпекулира дека Новак се подготвувал во Марбеља, Шпанија, пред да пристигне во Мелбурн, поради што е доведен во прашање неговиот настап на Австралија опен, без разлика што Судот ја прифатил неговата жалба и што почнал да тренира.
Србинот во периодот од 23 декември до 6 јануари, од Белград отпатувал за Шпанија, каде на 31 декември тренирал во Марбеља.
Како доказ за тоа можат да се земат и бројните извештаи на медиумите од Шпанија во тие денови, но и видео кое беше објавено на Твитер на една тамошна академија на денот кога Ѓоковиќ тренираше таму.
We can confirm @DjokerNole is ready for @AustralianOpen if possible! pic.twitter.com/q9WJFzBU41
— SotoTennis Academy (@SotoTennis) December 31, 2021
Што значи сето ова – во случај да се докаже дека имало неправилности, односно дека Новак лажел, може да биде депортиран, па дури и да добие неколкугодишна забрана за влез во Австралија.
I do also have a statement from Hall & Wilcox, his legal firm. It confirms they granted him a medical exemption from their COVID-19 no jab, no entry policy so he oculd go to their offices yesterday for the hearing. pic.twitter.com/N09yyAjBWW
— Karen Sweeney (@karenlsweeney) January 11, 2022
Кабинетот на министерот Хок денеска излезе со кратко соопштение.
– Во согласност со правилата, министерот Хок детално ќе го испита случајот. Со оглед на тоа што се работи за отворен случај, несоодветно е да се даваат дополнителни коментари – велат од таму, неофицијално потврдувајќи дека одлуката нема да биде објавена денеска.
Сега сѐ е на разгледување и конечната одлука ќе ја донесе министерот за имиграција, Алекс Хок.