ПОГРДНИ ЗБОРОВИ КОН АРСОВСКА Мизогинијата на Галетановски е одраз на страв од пораз, реагираше ВМРО-ДПМНЕ

ВМРО-ДПМНЕ го осудува говорот на омраза и мизогинијата на директорот на Петре Шилегов, Ѓорѓи Галетановски. Истовремено ќе ги известиме сите претставници на меѓународната заедница, соопшти партијата на Христијан Мицкоски откако првиот човек на Скопската зоолошка градина преку Фејсбук упатил погрдни зборови на сметка на независната кандидатка за градоначалник на Град Скопје, Данела Арсовска.

„Мизогинијата на Галетановски е недозволива за демократско општество во 21 век и е одраз на стравот од пораз на Шилегов. Паниката и нервозата на Галетановски е одлика на Шилегов кој знае дека губи. Четири години Шилегов нема ништо направено за Скопје. Нема капитални проекти, ништо од ветеното не е реализирано. Шилегов и Галетановски се неработници. Шилегов и Галетановски паѓаат на избори“, соопшти ВМРО-ДПМНЕ.