ПУКНА ПЕТАРДА Манчестер сити го потопи Арсенал

Фудбалерите на премиерлигашот Арсенал не баш најдобро ја започнаа новата сезона – во последните три натпревари запишаа три порази.

Но, таа статистика не ги боли навивачите толку многу колку што ги боли страшниот пораз што го доживеа нивниот клуб денеска од Манчестер сити.

Фудбалерите на Артета примија 5 гола од фудбалерите на Пеп Гвардиола.

Првиот гол за „сините“ го постигна Гундоган во седмата минута, а 5 минути подоцна во листата на стрелци се запиша и Фаран Торес. Две минути пред истекот на регуларните 45 минути, Габриел Жезус ја смести топката зад грбот на Лено и играчите на Пеп со предност од 3 гола заминаа во соблекувалните.

Состојбата на теренот остана непроменета и во текот на второто полувреме, а Родри во 53 минута ги казни „топџиите“ за предност од 4:0.

Петардата пукна во 84 минута кога Фаран Торес повторно го совлада голманот на Арсенал.

По одиграни 3 натпревари од новата сезона, момците на Артета имаат 0 бодови.