Арсовска распали по Филипче: Не сме имале толку неспособен министер – луѓе умираат, а тој се слика со кутија вакцини
Умираат луѓе на секој чекор, се борат за живот, бараат спас каде ќе стигнат, одат по други држави да се вакцинираат изложувајќи се на опасност од зараза, економијата поради неговата неспособност по цела година да воспостави контрола е на раб на пропаст, а тој се слика без срам со една кутија вакцини кои требаше да пристигнат минатата година, напиша претседателката на Сојуз на стопански комори.
Претседателката на Сојуз на стопански комори, Даниела Арсовска, утрово објави статус на Фејсбук во кој пишува дека министерот за здравство Венко Филипче е најнеспособниот министер кој земјава го имала или ќе го има во иднина.
„Во 30 години независна Македонија, толку неспособен министер како Филипче ни имало ни ќе има. Умираат луѓе на секој чекор, се борат за живот, бараат спас каде ќе стигнат, одат по други држави да се вакцинираат изложувајќи се на опасност од зараза, економијата поради неговата неспособност по цела година да воспостави контрола е на раб на пропаст, а тој се слика без срам со една кутија вакцини кои требаше да пристигнат минатата година. Уште сите амбасадори ги собрал, да се сликаат за големиов успех. Мрш“, напиша Аросвска.