Славески: Ако владата се води по досегашната стратегија не може да очекуваме ништо ново, тоа е илузија

Мислам дека е добро да се планира фискална консолидација затоа што тргнуваме од еден многу висок буџетски дефицит, ако се реализира ова што се предвидува за оваа година, за 2020 година над 8%. Секоја брза фискална консолидација може негативно да се одрази на економијата затоа што е фискална контракција, изјави Трајко Славески, член на ИК на ВМРО-ДПМНЕ во своето гостување на македонската телевизија зборуваше за негово мислење за фискалната консолидација за буџетскиот дефицит.

Славевски рече дека владата и Заев мора уште во овој момент да започне да го покажува светлото на крајот од тунелот, да ги потпомага оние сектори во економијата кој најбрзо и најлесно ќе не извадат од кризата.

– Добро е што се предвидува најоптимистичкото сценарио, она заживување во форма на латинската буквата V, имате пад и после се до 2025 година ние имаме високи стапки на раст од 4,1 раст идната година или над 5% до 2025 година. Мислам дека доколку останеме на сегашната развојна стратегија на Владата, може веќе да ги дефинираме главниот пристап од досегашната практика. Тие стапки се преоптимистички, не се остварливи неможат да се остварат доколку се потпираме на стратегијата, ново нешто не слушнавме, односно на форсирање на личната потрошувачка. Тоа ќе биде илузија – рече Славески.