Лекарска комора: Не ги напаѓајте здравствените работници, туку помогнете им!
Од комората велат дека медицинскиот персонал се наши пријатели, роднини и блиски, тие се исто со граѓаните во оваа глобална битка против пандемијата.
Лекарската комора реагираше на денешниот физичкиот напад над здравствениот работник од Клиниката за пулмологија и бара ваквото однесување на граѓаните да престане.
„Се обраќаме до јавноста со најостра осуда за постапките на оние кои своите проблеми се обидуваат да ги решат со агресија. Почитувани сограѓани, здравствените работници несебично се вложуваат во борбата против пандемијата, а воедно тие самите, сакајќи да направат максимум за вашето здравје стануваат најизложени на вирусот коишто не загрозува сите нас. Медицинскиот персонал се наши пријатели, роднини и блиски, тие и вие сте исто во оваа глобална битка против пандемијата“, се вели во реакцијата на Комората.
Оттаму бараат граѓаните да им помогнат на здравствените работници да ја вршат својата здравствена дејност, а со своето коректно однесување и применување на мерките за заштита од пандемија да дадат уште поголем учинок во здравствениот сегмент во овие критични времиња.