Филипче: Се случи експлозија на вирусот, капацитетите се полнат, но отвораме нови

На денешната прес-конференција, министерот за здравство Венко Филипче рече буквално има експлозија на вирусот ковид-19, но не само кај нас, туку во Европа, но и целиот свет.

– Според податоци на СЗО, изминатата недела е забележан порас на починати за 46%, во споредба со претходната недела – истакна Филипче.

Министерот вели дека поради наплив на пациенти, Клиниката за интерни болести се претвора во Ковид центар.

– Најголем предизвик се сместувачките капацитети и недостиг на кадар, а така е и кај нас, во моментот имаме активи 12.762 активни заразени, а процентот на оние кои им е потребен болнички третман е 7%, односно хоспитализирани се 890 заразени. Целата зграда на клиниката за интерни болести ќе биде наменета за Ковид пациенти. Целосно исполнети се Инфективната клиника и модуларната болница. Се активираше планот за интерните клиники, поради напливот на пациенти – рече Филипче.

Тој истакна дека лекарите и медицински сестри се целосно спремни, имале координативни состаноци и бројката на медицински лица ќе биде распределана во сите болници и одделенија.

– Дополнителниот број на кревети кој од утре може да биде на располагање е 150 и дополнителни 100-тина на клиниките за оториноларингологија и очни болести. Со капацитет од 100 кревети работи болницата 8-ми септември без пореметување на редовната програма. Голем е притисокот врз службите за брза помош. Направивме координација за сместување на пациентите согласно местата кои сега ќе бидат дополнително на располагање од утре – истакна министерот.

Во овој момент и во следниот период кога ќе почне пополнувањето на овие кревети, потенцира, нема да се наруши нормалното фунционирање на сите овие клиники односно системот „МојТермин“ продолжува да функционира, како и сместувањето пациенти во другите делови на оваа зграда на Интерните клиники.