Од полноќ: Бензините поевтини за денар, а дизелот за 1,5 денари

Бензините од полноќ поевтинуваат за еден денар, а дизелот и Екстра лесното масло за домаќинство за денар и половина, одлучи денеска Регулаторната комисија за енергетика.

Новата цена на „еуросупер БС-95“ ќе изнесува 58,50 денари, а „еуросупер БС-98“ ќе се продава по цена од 60,50 денари за литар.

Еуродизелот и Екстра лесното масло за домаќинство ќе чинат 49 денари за литар.

Малопродажната цена на Мазутот се намалува за 1,407 денари за килограм со што сега ќе се продава по цена од 24,549 денари за килограм.