Повисоките плати во образованието го кренаа државниот просек во април
Истиот месец се намалени платите во угостителството, транспортот и научните дејности.
Просечната месечна исплатена нето-плата по вработен во април годинава изнесувала 25.830 денари и споредено со нето-платата во април лани е зголемена за 4,2 проценти, објави денеска Државниот завод за статистика.
Зголемувањето се должи, пред сѐ, на повисоката просечната месечна исплатена нето-плата по вработен во секторите: „образование“ за 12 отсто, „други услужни дејности“ за 6,9 отато и „дејности на здравствена и социјална заштита за 6,4 отсто.
Намалување на просечната месечна исплатена нето-плата по вработен, во однос на претходниот месец, е забележано во секторите: „објекти за сместување и сервисни дејности со храна“ за 9 отсто, „стручни, научни и технички дејности“ за 6,9 отсто и „транспорт и складирање“ за 6,6 отсто.
Просечната месечна исплатена бруто-плата по вработен, во април годинава, изнесувала 38.567 денари.