Вреќите за ѓубре не го спречија ковид-19 да ги зарази медицинските сестри од Лондон

Позитивни на коронавирусот се трите медицински сестри од болницата „Нортвик Парк“ во Лондон, кои деновиве предизвикаа лавина коментари на социјалните мрежи откако објавија фотографии на кои е прикажано дека се облечени во вреќи за отпадоци поради тоа што немаат доволно заштитни одела.

Кај сите три жени бил дијагностициран ковид-19 откако минатата недела направиле тестирање, изјавил висок претставник на болницата за „Daily Telegraph“.