Нападот на Божо Вреќо и на неговата мајка го згрози регионот, полицијата реагирала ФОТО

Босанскиот музичар Божо Вреќо (36) денеска објави дека добил заканувачки пораки во кои еден маж порачува дека треба да го линчуваат.

Принцот на севдахот, познат по одличниот глас и специфичните модни комбинации, често истакнува дека му било тешко да расте во мала средина, во која бил различен и неприфатен.

Божо, која носи фустани на настапите, секој ден се среќава со осуди и негативни коментари. Тој пријавил во полиција какви пораки прима и наведува дека е загрижен за својата безбедност.
„Драги мои, ова го споделувам и со вас, моето утро започна со пријава во полиција поради смртни закани кои ми дојдоа. Сè е евидентирано и процесот допрва следува. Сето ова е напад само врз мене, на мојата интимност, на мојата уметност, на мојата воспитување, на мојот интелект, на мојата слобода, атак врз човекот кој никогаш не помислувал лошо за никого и нема, дури ниту во овој момент “, напишал тој на Фејсбук, каде ги објавил и заканувачките пораки, па додал:

„Не можам да го опишам тоа чувство кога некој на кого со ништо не си му наштетил, толку да те навредува, повикува на линч и да ја посакува вашата смрт, притоа она што сигурно најмногу ме погоди е е грозното навредување на мајка ми, погледнете со какви монструми сме опкружени, погледнете го тој вокабулар и примитивноста, зарем може да биде полошо, поподло и погнасно од ова, во што се претворија луѓето?! “.

Босанската полиција наголемо трага по лицето што ги испратило овие заканувачки пораки до Божо, пренесуваат медиумите во регионот.

Во меѓувреме, инстаграм-профилот на Божо, на кои беа објавени и заканувачките пораки, е деактивиран.

ФОТО: Принтскрин