📽️ УКРАИНСКА „ФЛАМИНГО“ РАКЕТА ПОГОДИ ФАБРИКА ЗА ОРУЖЈЕ ВО ВОЛГОГРАД Повредени се 10 лица

Украинските сили синоќа со ракети погодија важни цели во рускиот град Волгоград. Меѓу погодените цели беше и објект на воено-индустрискиот комплекс, а руските власти подоцна потврдија дека градот е нападнат, пишува Украинска правда.

Според извештаите од мониторинг каналот Телегам, погодена е „одбранбена фабрика“. Се верува дека целта бил Федералниот истражувачки и производствен центар Титан-Барикади, еден од клучните објекти на рускиот воено-индустриски комплекс.

Фабриката, која се наоѓа во Волгоград, произведува ракетни лансери, артилериски системи и компоненти за ракетни системи, вклучувајќи ги Искандер-М, Џарс и Топол-М. Поради производството на оружје за руската армија, таа е под меѓународни санкции од 2022 година.

Footage of a Ukrainian Flamingo cruise missile slamming into Russia’s Titan-Barrikady factory this morning.

At least two Ukrainian Flamingos hit the Russian plant, responsible for producing launchers for key Russian systems like the Iskander ballistic missile. pic.twitter.com/NhgBJYpHdH

— OSINTtechnical (@Osinttechnical) June 27, 2026

Рускиот независен медиум Астра подоцна, врз основа на анализа на разузнавачки податоци од отворени извори, објави дека по украинскиот напад со ракети Фламинго, од фабриката Титан-Барикади се кревал чад.

„Во регионот на Волгоград беше во сила ракетна тревога, а Федералната администрација за воздухопловство на Русија (Росавијација) објави привремени ограничувања на аеродромот во Волгоград.

Денис Штилерман, коосновач на украинскиот производител на дронови и ракети „Фајр Поинт“, исто така објави видеа на кои се прикажани експлозии во Волгоград.

„Волгоград ја поздравува сезонската миграција на фламинга од Украина. Ќе има уште…“ рече тој.

Волгоград зустрічає сезонну міграцію фламінго з України. Далі буде… pic.twitter.com/yChQJobawp

— Denys Shtilierman (@DenShtilierman) June 27, 2026

Гувернерот на регионот на Волгоград, Андреј Бочаров, потврди утрово дека градот бил нападнат, вклучувајќи ги и „производствените капацитети во еден од објектите во округот Краснооктјабр“. Според него,  10 лица се повредени.

FP-5 Фламинго е нова украинска крстосувачка ракета со долг дострел, развиена од домашната одбранбена компанија „Фаер Поинт“ со цел извршување длабински напади на територијата на Русија.

Според официјалните спецификации, оваа субсонична ракета има проценет максимален дострел до 3.000 километри и носи екстремно тешка боева глава од 1.150 килограми.