📽️ 📷 СОЧУВСТВО ЗА ЗАГИНАТИТЕ ВО КОЧАНИ ДОЈДЕ И ОД АВСТРАЛИЈА Домот на Советот на градот Перт прекриен во боите на македонското знаме

Градскиот совет на Перт го осветли Домот на Советот со македонското знаме во знак на сеќавање на изгубените животи во трагедијата во Кочани, Македонија.

Ова е знак на сочувство и поддршка за настраданите, нивните семејства и целиот народ на Македонија, кој тагува во овие моменти, велат припадниците на македонската заедница кои беа присутни пред зградата и оддадоа почит на жртвите во Кочани.

Во пожарот во дискотеката „Пулс“ во неделата рано наутро загинаа 59 претежно млади лица, а 178 се повредени.