РУСИЈА И САД НАСКОРО ПАК ЌЕ СЕДНАТ НА МАСА? Средбата се очекува на почетокот на следната недела
Во догледно време ќе соопштиме кој ќе ја претставува руската страна (во преговорите меѓу Русија и САД). Сè уште не сум подготвен да го направам тоа, рече портпаролот на Кремљ, Дмитриј Песков.
Портпаролот на Кремљ, Дмитриј Песков, денеска изјави дека Москва очекува преговорите меѓу Русија и САД на експертско ниво да продолжат наскоро, најверојатно на почетокот на следната недела.
– Русија и САД на претстојните преговори во Саудиска Арабија ќе разговараат за аспектите на украинското решение, како и за другите аспекти, поврзани со украинската регулатива, а за кои страните сметаат дека е неопходно да се разговара во идните преговори – рече Песков.
Тој, исто така, додаде дека помошникот на претседателот на Русија, Јуриј Ушаков, и советникот за национална безбедност на Белата куќа, Мајк Волц, во средата разговарале кој би можел да ги претставува Русија и САД во разговорите на експертско ниво за Украина.
– Во догледно време ќе соопштиме кој ќе ја претставува руската страна. Сè уште не сум подготвен да го направам тоа – рече Песков.