ПОЖАР ВО НАПУШТЕНИ ОБЈЕКТИ ОД ПОРАНЕШНАТА КУМАНОВСКА КАСАРНА Повеќе од 2 часа се гаснел огнот
Пожар зафатил кровна конструкција на напуштени објекти во поранешната касарна „Христијан Тодоровски Карпош“ во населбата Бедиње во Куманово, информираа денеска од Регионалниот центар за управување со кризи Куманово.
Три противпожарни екипи и шестина пожарникари интервенирале вчера на пожарот во периодот од повеќе од два часа.
Можеби ќе ве интересира
Објектот чиј покрив бил зафатен од пожар се наоѓал во внатрешноста на поранешната касарна.
На просторот на поранешната касарна во Куманово сместени се две училишта, во тек е изградбата на гимназијата „Сами Фрашери“, а лоцирани се и подрачни единици на државни институции.
Вчера пожарникарите интервенирале и на гаснење на запален оџак во село Доброшане, како и на запалена сува трева во селата Табановце и Косматац.