НАТО ТРУПИ ВО УКРАИНА? НЕ ДОАЃА ПРЕДВИД Стигна првиот коментар на Лавров за договорот меѓу САД и Украина

Москва нема да прифати присуство на трупи на НАТО во Украина под никакви услови и ќе избегнува комромиси што загрозуваат  човечки животи, вели рускиот шеф на дипломатијата Сергеј Лавров во врска со можниот мировен договор за кој САД и Украина преговараа во Џеда во Саудиска Арабија.

Лавров во интервју за американските блогери Марио Науфал, Лери Џонсон и Ендрју Наполитано вели дека САД и Русија се соочени со разлики, но дека и Москва и Вашингтон го делат ставот дека е неприфатливо „да се лизга кон конфронтација и воен конфликт“.

Првиот руски дипломат ги спомна договорите од Минск со кои заврши конфликтот на Крим во 2014 година.

– За да ги зачуваат границите, властите во Киев мораа да ги почитуваат договорите од Минск. Дополнително, во 2022 година во Истанбул, украинската страна презентираше документ усвоен од Русија, според кој таа го напушти патот на влез во НАТО, но подоцна режимот во Киев се откажа од договорот под влијание на поранешниот британски премиер Борис Џонсон – додаде Лавров.

Тој смета дека САД разбираат дека и другите земји се водат свои национални тереси, нешто што, според Лавров, било речено на американско-руската средба во Ријад во Саудиска Арабија.

Во меѓувреме, портпаролката на Лавров, Марија Захарова, утринава изјави дека Русија сама ќе донесе одлуки.

„Оформувањето на позицијата на Руската Федерација не се случува во странство поради некои договори или напори на некои страни. Формирањето на позицијата на Руската Федерација се одвива во рамките на Руската Федерација“, соопшти Захарова.

• ОБЈАВЕНИ ДЕТАЛИ ОД ДОГОВОРОТ УКРАИНА И САД Сега топката е на страната на Русија

По средбата во Џеда, Украина ја потврди својата подготвеност да го прифати американскиот предлог за моментален, привремен прекин на огнот во траење од 30 дена, со можност за продолжување со заемна согласност на сите страни, под услов Русија да се согласи и истовремено да го спроведе.

Американскиот претседател Доналд Трамп рече дека ќе разговара со Путин за да му пренесе детали од средбата, но дека „за танго се потребни двајца“.

На средбата беше разговарано и САД и Украина да формираат преговарачки тимови кои ќе започнат преговори за траен мир со безбедносни гаранции за Украина.

Додека се чека на официјален одговор од Кремљ, руски балистички ракети во вторникот го погодија пристаништето Одеса, при што загинаа четворица сириски државјани, изјави регионален украински претставник.

Украинските медиуми исто така објавија дека американската воздухопловна компанија Maxar Technologies го вратила пристапот до своите сателитски снимки до Украина. Полскиот министер за внатрешни работи Радослав Сикорски потврди дека испораката на американско оружје за Украина преку Полска е обновено и дека е достапен сателитскиот сервис Старлинк.