МАЛКУМИНА ЗНААТ ДЕКА ДОЛИ ПАРТОН ИМАШЕ ТЕТОВАЖИ Пејачката се тетовирала за да ги прикрие лузните
Кантри-иконата ретко ги покажувала тетоважите, а причината за нивното постоење е многу понеобична од обична желба за украсување на телото.
Доли Партон е позната по раскошната руса коса, впечатливите модни комбинации и препознатливиот изглед што со децении го негуваше. Но, малку обожаватели знаеја дека кантри-легендата има и неколку тетоважи кои со години ги криеше од јавноста.
Партон речиси секогаш се појавуваше во облека со долги ракави, поради што многумина воопшто не знаеја дека има тетоважи. Сепак, причината поради која ги направила била многу полична од обична желба за украсување на телото.
Доли во 2020 година во разговор за списанието People потврдила дека има неколку тетоважи, но објаснила дека тие не настанале од желба за украсување на телото.
– Вистина е, имам неколку тетоважи. Но, тие се вкусни. Не сум типична девојка со тетоважи – рекла тогаш.
За разлика од многу луѓе кои избираат тетоважи поради симболиката или естетиката, нејзините имале практична цел. Ги користела за да ги прикрие лузните што ѝ пречеле.
Првпат јавно покажа дел од нив во 1996 година, кога гостуваше во „The Tonight Show with Jay Leno“. Водителот забележа тетоважа што ѝ се гледаше под ракавот, а Партон тогаш откри дека има мал ангел и пеперутка. Пеперутката подоцна ја опиша како нејзин мал симбол, објаснувајќи дека отсекогаш ја поврзувала со сопствената личност.
Години подоцна, во 2011 година, комичарката Розан Бар дополнително ја подгреа мистеријата кога раскажа дека видела повеќе тетоважи на Партон. Според неа, тие биле во нежни пастелни нијанси, со мотиви како панделки и машнички.
Но, Партон самата подоцна објасни зошто воопшто почнала да се тетовира. Причината била многу попрактична од желбата да украсува делови од телото.
Партон имала многу чувствителна кожа и склоност кон создавање лузни, кои кај неа добивале виолетова боја. Затоа почнала да користи тетоважи за да ги прикрие.
– Сакам да направам нешто позитивно од нешто негативно – објаснила таа.
Еден од најинтересните примери е мала кошница со пчели. Партон открила дека имала тетовирано кошница со пчела за да прикрие мала вдлабнатина и лузна на телото која ѝ останала откако морала да користи сонда за хранење во период кога била сериозно болна.
Меѓу нејзините мотиви имало пеперутки, панделки и машнички, а Партон објаснила дека токму пастелните бои ѝ одговарале затоа што сакала тетоважите да изгледаат нежно и убаво, а не нападно.
Поради тоа што речиси секогаш носела облека со долги ракави, нејзините тетоважи останале скриени од поголемиот дел од јавноста. Тоа со години ги поттикнувало шпекулациите дека Партон има многу повеќе тетоважи отколку што навистина имала. Во 2019 година „Los Angeles Times“ дури пишуваше за митот дека можеби има цела рака покриена со тетоважи.
Кога ја прашале дали некогаш направила тетоважа посветена на нејзиниот сопруг Карл Дин, Партон одговорила дека не направила таква тетоважа, бидејќи тој е истетовиран во нејзиното срце.