📽️ КИМ КАРДАШИЈАН МУ СЕ ИЗВИНИ НА ЛЕГЕНДАРНИОТ РЕПОРТЕР Ријалити ѕвездата научи лекција за бонтонот во Формула 1
Ријалити-ѕвездата повторно беше во центарот на вниманието на трката во Сингапур, каде што пристигна за да го бодри Луис Хамилтон. Овојпат, покрај модните комбинации, привлече внимание и нејзиниот разговор со познатиот спортски новинар, кого претходно го игнорираше на патеката во Монако.
Ким Кардашијан повторно привлече погледи на трката за Големата награда на Сингапур во Формула 1, каде што го бодреше својот партнер, седумкратниот светски шампион Луис Хамилтон, возач на Ферари.
Американската претприемачка и телевизиска ѕвезда се појави во неколку впечатливи модни комбинации. Розева комбинација со трико под проѕирно макси-здолниште, со соодветна чанта и коса собрана во пунџа, а за главната трка, избра макси-фустан од познатиот италијански дизајнер Роберто Кавали, украсен со цветни дезени и мотиви на пауни, инспирирани од неговата култна колекција од 2003 година.
Кардашијан ја следеше трката од гаражата на Ферари, им мавташе на обожавателите и разменуваше нежности со Хамилтон пред стартот. Британскиот возач на крајот ја заврши трката на шестото место.
Lewis Hamilton shered a moment with kim kardashian before the race ❤️ https://t.co/IbCLpvBM7t
— LH44(A) (@LH44Fanpage8) October 11, 2026
Сепак, најинтересниот момент за Ким беше повторната средба со Мартин Брандл, легендарниот коментатор и поранешен возач во Формула 1. Кога тој претходно ѝ пристапи за интервју за време на трката во Монако, таа не му посвети внимание, што предизвика критики кај љубителите на спортот.
Брандл е познат по своите разговори со славните личности и гостите на стартната решетка, а неговите интервјуа се еден од препознатливите моменти на преносите од Формула 1. Фановите ѝ објаснија на Ким дека на таков настан не е вообичаено да се игнорира новинарот кој им пристапува на учесниците и гостите.
Овојпат средбата помина многу попријатно. Кога Брандл повторно ѝ пристапи, Ким му рече: Не ги знаев правилата. Дали тргнавме погрешно?
Потоа двајцата го продолжија разговорот во опуштена атмосфера.
F1 fans have educated Kim Kardashian on grid protocol. You don’t brush Martin Brundle off…😂
#SingaporeGP #gridwalk #F1 https://t.co/QGvUiyPuEl— Jaja (@JajaBreed) October 11, 2026
Ким и Хамилтон со години се познаваат, но шпекулациите за нивната љубовна врска се засилија во февруари годинава, откако заедно отпатуваа на неколку дестинации. Оттогаш сè почесто се појавуваат заедно во јавноста, а нивните патувања и средби привлекуваат големо внимание.