Џек Ма донира заштитни маски и медицинска опрема за Европа и САД

Коосновачот на Алибаба, Џек Ма, ќе  донира два милиони заштитни маски што ќе бидат дистрибуирани во европските земји. Првата пратка  со 500.000 заштитни маски и други медицински материјали пристигна со авион во  Лиеж, Белгија.

Пратката, како што е соопштено, ќе се дистрибуира понатаму кон Италија. Во Лиеж и наредните денови ќе стига донацијата на Ма.

Фондацијата формирана од милијардерот планира  донација од  500.000 комплети за тестирање коронавирус и милион маски и за САД.

Во исто време, тој повика на меѓународна соработка во борбата против сегашната огромна здравствена криза.