ЕГИПЕТ СТАВИ ОРГАНИЗАЦИЈА ОД МАКЕДОНИЈА НА СПИСОК ЗА ТЕРОРИЗАМ Суд во Каиро одреди 5 години санкции и замрзнување на имотот

Организација од Македонија е меѓу 35 субјекти што Египет ги ставил на својата листа на терористички организации. Станува збор за Исламското младинско здружение (Islamic Youth Association), наведено во судска одлука објавена на 10 ноември.

Египетските власти ја донеле одлуката во рамките на постапка поврзана со националната безбедност.

Египетскиот суд, преку одлука објавена во нивниот Службен весник, стави вкупно 35 европски исламски организации и 36 поединци на својата листа на терористички ентитети. Меѓу нив се наоѓа и ова здружение регистрирано во Македонија.

Ставањето на оваа листа од страна на Египет подразбира воведување финансиски санкции, замрзнување на имот и забрана за активности поврзани со египетски субјекти за период од 5 години.