📷 ДРАСТИЧНА ТРАНСФОРМАЦИЈА Испливаа стари фотографии од бугарската принцеза, била вистинска убавица

Промените на нејзиното тело и лице предизвикаа лавина коментари ширум светот.

Од плусинфо Објавено 19/06/2024 10:15:09

Бугарската принцеза Калина беше фотографирана во јавноста по долго време на почетокот на јуни, а фотографиите го обиколија светот.

Принцезата Калина успеа за краток период да ги засени сите европски припаднички на сината крв и целосно да го сврти вниманието на јавноста кон себе. Причината за таквиот ненадеен и неочекуван јавен интерес е нејзиниот физички изглед, поточно изразеното мускулесто тело, но и лицето на кое многу се видливи естетските корекции.

Сега се појавија ретки фотографии од нејзината младост кои покажуваат колку таа го променила својот изглед.

На една од нив, снимена во 2006 година, насмеаната принцеза позира на настан по повод 25-годишнината од венчавката на големиот војвода Анри од Луксембург и војвотката Марија Тереза.

На друга фотографија, снимена една година подоцна, принцезата позира со својот сопруг Антонио Муњоз и нивниот син Симеон-Хасан.

The Princess of Bulgaria, Kalina, has undergone some drastic physical changes. She has attributed these changes to her lifestyle of exercising and staying fit.

“I am dedicated to training with weight loads and body health, I am an athlete”

The mainstream confirmed this has… pic.twitter.com/pwLm68SkUe

— Shadow of Ezra (@ShadowofEzra) June 15, 2024

Меѓутоа, бидејќи е родена, растела и живее во Шпанија, локалните медиуми, сепак, претходно биле заинтересирани за „драстичната промена на изгледот“, како што ја окарактеризираа нејзината трансформација, па ја прашале зошто одлучила тоа да го направи.

– Посветена сум на тренинзите со тегови и здравјето на телото, јас сум спортист – изјавила своевремено принцезата за шпански „Ел Мундо“.

Бугарската принцеза, инаку петто дете и единствена ќерка на кралот Симеон Втори и неговата сопруга Маргарита, во последните 20 години драстично го променила својот изглед. Многумина шпекулираа дека го оперирала носот, но тоа не е вистина.

Имено, принцезата како мала паднала и си ги скршила забите. Во текот на лекувањето дошло до инфекција во вилицата, па морала да оди на операција за да се спречи ширењето на инфекцијата, што влијаело и на изгледот на нејзиниот нос.

Принцезата во последните години се посветила на тренинзите и не ја напушта теретаната, а доказ за тоа се нејзините исклучително мускулести раце.

бугарска принцеза калина принцеза калина