ДОДЕКА СВЕТОТ ГЛЕДА КОН ИРАН Украина гради нова предност во војната со Русија?

Неочекуван геополитички пресврт се одвива далеку од фронтот во Украина. Според Би-Би-Си, војната во Иран, која првично изгледаше како закана за Киев, почнува да носи конкретни придобивки за украинската страна.

Клучната улога ја игра украинскиот претседател Володимир Зеленски. Неговото патување во Саудиска Арабија не беше симболично, туку внимателно пресметан потег, се вели во текстот.

Врската Украина – Саудиска Арабија 

Зеленски ја искористи посетата за да ја понуди украинската експертиза во војувањето со беспилотни летала. Украина веќе има практично искуство од фронтот против Русија.

Киев тврди дека склучил договори со Саудиска Арабија, Обединетите Арапски Емирати и Катар. Фокусот е на размена на технологија и воена експертиза.

– Сакаме да им помогнеме на земјите од Персискиот Залив во нивната одбрана – изјавил Зеленски.

Овие договори носат и политичка и економска вредност. Украина се позиционира како извозник на знаење. Првичниот ефект од војната во Иран беше негативен за Украина. Постоеја стравувања дека вниманието на САД ќе се пренасочи.

Дополнително, блокадата на Ормускиот Теснец ги зголеми цените на нафтата. Тоа ѝ овозможи на Русија да оствари поголеми приходи.

Поголем приход значи подолга војна. Тоа е директен ризик за Украина.

Поевтино и посилно од „Шахед“

Сепак, Киев повторно изненади. Наместо да остане пасивен, ја искористи кризата. Со дипломатски и воени потези, Украина ја претвори ситуацијата во предност. Целта е јасна, подобра позиција пред евентуални мировни разговори.

Едно од најсилните оружја на Русија се иранските дронови Шахед. Но, Украина разви поевтини системи за нивно пресретнување.

Според Зеленски, дрон вреден до 130.000 долари може да се неутрализира со систем од околу 10.000 долари.

Ова е огромна разлика. Тоа ја менува економијата на војувањето.

 

Зеленський знову в Саудівській Аравії. Я так розумію, що скоро саудити будуть вимагати у Трумпа повернути назад той Боінг, який вони всучили йому як хабар, і подарують його Зеленському.
🤣🤣🤣 pic.twitter.com/QvrLhhlX0N

— Svіtlana Ivanishina (@SvetlanaIvanis6) May 2, 2026

Дронови за Германија, Норвешка, пари за Украина

Украина веќе склучи значајни договори со европски партнери. Еден со Норвешка вреди 8,6 милијарди долари. Другиот со Германија опфаќа дронови, ракети и напредни системи вредни 4,7 милијарди долари.

Овие инвестиции ја зајакнуваат украинската одбрана.

Украина научи уште една лекција. Нападите врз енергетската инфраструктура носат силен ефект. Украинските дронови со долг дострел веќе таргетираат руски капацитети. Загубите за Москва се проценуваат во милијарди.

Во еден период, приходите на Русија пораснале. Но, потоа украинските напади ги намалиле за околу 1 милијарда долари.

Одмрзнати 90 милијарди од ЕУ, војната тлее

Дополнителен пресврт доаѓа од Европа. Одобрен е заем од 90 милијарди евра за Украина. Овој чекор беше блокиран со месеци. Промената на политичката сцена во Унгарија ја отвори вратата.

Падот на Виктор Орбан и доаѓањето на Петер Маѓар на власт одигра клучна улога во оваа одлука.

Украина останува внимателна кон политиките на САД. Новата стратегија на САД не ја третира Русија како директна закана. Фокусот е на стабилност, не на победа. Ова предизвикува загриженост во Киев.

– Ова не е доволно за вистински мир – предупредуваат украински извори.

Мировните разговори меѓу Киев и Москва се одвиваат бавно. Недостасува вистински напредок, се вели во анализата.

Во меѓувреме, Русија ги засилува нападите. Цивилната инфраструктура останува главна цел.