📽️ 📷 „БЕШЕ МАГИЧНО“ – ЈЕЛЕНА ДОКИЌ ЈА НАПУШТИ МАКЕДОНИЈА Поранешната тенисерка испрати силна порака по престојот со Македонецот Јане
Поранешната тениска ѕвезда Јелена Докиќ си замина од Македонија по престојот со партнерот Јане Веселинов, Македонец кој живее во Мелбурн. Таа испрати емотивна порака: „Беше магично“.
Поранешната светска тениска ѕвезда Јелена Докиќ го заврши престојот во Македонија и си замина од земјава, но зад себе остави емотивна порака за моментите поминати тука.
Докиќ неколку денови уживаше во убавините на Македонија заедно со својот партнер Јане Веселинов, Македонец кој живее и работи во Мелбурн, каде е успешен менаџер во угостителскиот сектор.
View this post on Instagram
Двојката ги посети Охрид, Скопје, кањонот Матка и други локации, а тенисерката сподели фотографии и видеа од престојот на својот Инстаграм профил.
View this post on Instagram
Во последната објава по заминувањето од Македонија, Докиќ напиша:
„Беше магично. Прекрасно време во Македонија. Ти благодарам, љубов моја Јане, за неверојатните спомени и моменти. Навистина беше магично да го доживеам ова со тебе.“
View this post on Instagram
Со видеото таа ги собра најубавите моменти од посетата на Македонија, испраќајќи порака дека престојот во земјава за неа бил посебно искуство.
Докиќ уште за време на престојот јавно го изрази воодушевувањето од местата што ги посетила.
View this post on Instagram
Таа објави фотографии од кањонот Матка, Старата скопска чаршија и центарот на Скопје, а во една од пораките напиша:
„Скопје, убаво си!“
View this post on Instagram
За неа ова патување беше и повеќе од обична туристичка посета, бидејќи Македонија ја посети во друштво на човекот за кого во јавноста често зборува со голема благодарност.
View this post on Instagram
Јелена Докиќ во повеќе наврати јавно зборуваше за својот партнер Јане Веселинов, опишувајќи го како нејзино „мирно, безбедно, спокојно и среќно место“.
Таа истакнува дека Јане бил човекот кој ѝ помогнал да помине низ тежок период од животот и да ги надмине траумите со кои долго се борела.
Пред да ја најде љубовта со Веселинов, Докиќ минуваше низ исклучително тежок период, за кој подоцна отворено зборуваше во јавноста, откривајќи детали за семејните проблеми, притисоците и борбата со менталното здравје.
Јелена Докиќ е една од најпознатите тенисерки од регионот и поранешна четврта тенисерка во светот.
Во кариерата играше полуфинале на Вимблдон во 2000 година, а настапуваше и за Австралија и за Југославија.
По завршувањето на професионалната кариера, таа стана позната и по својата отвореност за личните животни предизвици и борбата за подигнување на свеста за менталното здравје.