АЛТА БАНКА СО ДОНАЦИЈА ЗА ДУХОВНО-ОБРАЗОВЕН КАМП ВО ОХРИД Програмата обединува 60 деца од ранливи категории
Околу 60 деца од социјално ранливи категории учествуваат на духовно-образовниот камп во Охрид. Покрај поддршката за организацијата, АЛТА Банка обезбеди и летни подароци за учесниците, со цел нивниот престој да биде поудобен и исполнет со убави спомени.
АЛТА Банка АД Битола, во рамки на својата определба за општествена одговорност и поддршка на иницијативи кои создаваат позитивна вредност за заедницата, го поддржа детскиот духовно-образовен камп „Православието и духовноста нè поврзуваат – Под закрила на молитвата“, кој се одржува од 22 до 29 јуни во Охрид.
Поддршката на Банката е насочена кон реализација на активностите во рамки на кампот, како и кон обезбедување практични летни подароци за децата учесници – летни торби, капи и шишиња за вода, со цел нивниот престој да биде поудобен, попријатен и исполнет со позитивни спомени.
Кампот, кој се реализира во организација на Здружението на граѓани „Мир, слога, стабилност – Скопје“, обединува околу 60 деца од социјално ранливи категории и им овозможува простор за дружење, учење, духовен и личен развој преку едукативни, креативни и рекреативни активности.
„Во АЛТА банка веруваме дека грижата за децата и младите е вложување во иднината на целата заедница. Затоа продолжуваме да поддржуваме иницијативи кои поттикнуваат заедништво, солидарност, човечност и создаваат можности за подобар и посигурен развој на оние на кои поддршката им е најпотребна“, вели банката во соопштение до јавноста.
