ЏАСТИН ТИМБЕРЛЕЈК НА МОДНА ПИСТА СО СИНОВИТЕ И ВНУКАТА СО ДАУНОВ СИНДРОМ Поп-ѕвездата ја придружуваше малата Заја на хуманитарен настан во Денвер
Џастин Тимберлејк со синовите Силас и Финеас ја придружуваше внуката Заја на хуманитарна модна ревија за поддршка на лицата со Даунов синдром.
Џастин Тимберлејк имаше редок семеен настап во јавноста, овојпат за хуманитарна цел. Пејачот се појави со синовите Силас и Финеас на модната ревија на Глобалната фондација за Даунов синдром во Денвер, а тројцата заедно со неговата седумгодишна внука Заја излегоа и на модната писта.
Настанот „Be Beautiful Be Yourself“ се одржа на 7 ноември, по 19. пат, а Заја (7), која има Даунов синдром, беше во центарот на вниманието. Таа е амбасадорка на фондацијата, а нејзини придружници овојпат беа тетинот Тимберлејк и нејзините братучеди, Силас (11) и Финеас (6).
View this post on Instagram
– Џесика и јас ја обожаваме Заја и не можеме да бидеме погорди на неверојатната разлика што ја прави во светот. Секој човек со Даунов синдром заслужува можност да го достигне својот целосен потенцијал – порача Тимберлејк во изјава за фондацијата.
Неговата сопруга Џесика Бил не присуствуваше на настанот поради работни обврски, но преку социјалните мрежи ја сподели радоста и објави видео од настапот. Џесика напиша дека е горда на Заја, а посебно ѝ се заблагодари на модната куќа „Марчеса“ за прекрасниот фустан на девојчето. Заја е ќерка на нејзиниот брат Џастин Бил и неговата сопруга Роуз.
Настанот имаше и значајна хуманитарна цел. Овогодишната ревија собрала рекордни 2,7 милиони долари за истражувања, медицинска грижа и поддршка на луѓето со Даунов синдром. Семејството на Тимберлејк и Бил со години ја поддржува фондацијата, а Џесика во претходните две години и самата ја придружуваше внуката на модната писта.