📽️ ДОНЧИЌ ГО ПРЕКИНА НАТПРЕВАРОТ ПОРАДИ НАВИВАЧ Гледачот ја фрли топката кон судијка, па беше исфрлен
Навивач од првиот ред силно ја фрли топката кон судијката Челиса Пеинтер, а словенечкиот кошаркар веднаш го посочи пред обезбедувањето. „Лејкерс“ победија со 116:103, а Дончиќ постигна 40 поени.
Непријатен инцидент го одбележа натпреварот меѓу „Сакраменто Кингс“ и „Лос Анџелес Лејкерс“, откако навивач од првиот ред ја фрли топката кон една од судијките и ја погоди во раката. Реакцијата на Лука Дончиќ беше моментална, а обезбедувањето веднаш го отстрани гледачот од арената.
Инцидентот се случил во третата четвртина, на две минути и 35 секунди пред нејзиниот крај. По една изгубена топка на домашниот тим, топката завршила кај навивач кој седел веднаш до теренот.
A fan was kicked out of the Lakers–Kings game after aggressively throwing the ball at a female referee 😳
Luka Dončić was the one who pointed out the incident to officials.
🎥 @NBCSports / @BrendenNunesNBA https://t.co/zFGYrLvOdn
— BasketNews (@BasketNews_com) November 5, 2026
Наместо да му ја врати на некој од кошаркарите, гледачот силно ја фрлил во правец на судијката и ја погодил во раката.
Словенечкиот кошаркар Лука Дончиќ веднаш реагирал. Видно револтиран од потегот на навивачот, му се обратил, а потоа го привлекол вниманието и на судиите и на обезбедувањето.
Службата за обезбедување брзо интервенирала и го изнела гледачот од салата. Натпреварот продолжил без дополнителни инциденти, а снимката од случувањето набрзо се проширила на социјалните мрежи.