ПРОНАЈДЕНО ТЕЛОТО НА ИСЧЕЗНАТИОТ СКОПЈАНЕЦ Извлечено е од Охридското Езеро на 50 метри од брегот
31-годишниот Б.С. на 14 септември беше пријавен за исчезнат од неговиот татко З.С. (68) од Скопје, со кого престојувал во автокамп во Охрид.
Во водите на Охридското Езеро вчера вечерта е пронајдено безживотното тело на 31-годишен скопјанец, кој ден претходно беше пријавен за исчезнат, информира СВР Охрид.
Според полицијата, синоќа околу 22 часот службеници од езерската полиција и од СВР Охрид во близина на автокамп, на околу 50 метри од копното во водите на Охридското Езеро, го пронашле безживотното тело на Б.С. (31) од Скопје.
Лекар од Итната медицинска помош констатирал смрт без траги на насилство, а препознавањето го извршил член на неговото семејство. По насоки на јавен обвинител, врз телото на починатиот ќе биде извршена обдукција.
Б.С. на 14 септември во 18:10 часот во СВР Охрид беше пријавен за исчезнат од неговиот татко З.С. (68) од Скопје, со кого престојувал во автокамп во Охрид.