И ВО ЛЕТО МОЖЕТЕ ДА ИМАТЕ НЕДОСТИГ НА ВИТАМИН Д Ова се најчестите симптоми дека ви недостасува
Дури и во летните месеци голем дел од испитаниците имале недоволно витамин Д, иако биле изложени на сонце
Многумина веруваат дека во текот на летото нема причина да се грижиме за недостаток на витамин Д, бидејќи сончевата светлина му помага на организмот да го создава овој важен витамин. Но, ново истражување покажува дека реалноста е посложена.
Студијата, објавена во списанието European Journal of Clinical Nutrition, покажала дека значителен број луѓе имале недоволно ниво на витамин Д во текот на целата година – вклучително и во летните месеци. Истражувањето особено се фокусирало на постари лица и возрасни припадници на етнички малцинства во Северна Британија.
Истражувачите ги следеле нивоата на витамин Д кај 299 лица, од кои 168 биле постари од 65 години, а 131 биле возрасни лица од етнички малцинства.
Испитувањата биле спроведени во периодот од декември 2024 до август 2025 година.
Резултатите биле особено интересни. Кај 54,8 отсто од постарите испитаници било утврдено недоволно или дефицитарно ниво на витамин Д.
Во групата возрасни припадници на етнички малцинства, процентот бил уште поголем – 72,1 отсто.
Она што особено ги изненадило истражувачите е што недостатокот не исчезнал ниту во текот на летото, кога изложеноста на сонце е најголема.
Дефицитот останал и во најсончевите месеци
На врвот на летото, повеќе од половина од постарите лица и понатаму имале недоволно витамин Д.