🎥 ОД НЕВКУСНА ШЕГА ДО РИЗИК ОД ЗАТВОР Француски студент во Сингапур објавил како лиже сламка за сок и ја враќа меѓу чистите
Тинејџер од Франција, кој студира во Сингапур е казнет со 600 сингапурски долари (околу 405 евра) за нарушување на јавниот ред.
Дидие Гаспар Овен Максимилијан (19) зел сламка од автомат за сок, ја употребил и ја вратил помеѓу чистите. Тој тоа го снимал и го објавил на Инстаграм со опис „Градот не е безбеден“.
Видеоснимката предизвикала осуда од голем број корисници на социјалните мрежи. По инцидентот, тој ја признал вината.
Singapour: un Français âgé de 18 ans risque la prison pour avoir léché une paille pic.twitter.com/novIlDDtSn
— BFM (@BFMTV) April 27, 2026
– Мојот клиент е свесен за последиците од неговата шега. Искрено жали за предизвиканите проблеми – изјавил неговиот адвокат.
По инцидентот биле сменети сите 500 сламки кои биле во автоматот за сок.
Во Сингапур за нарушување на јавниот ред предвидена е казна до 2.000 сингапурски долари, казна затвор до три месеци или двете казни во исто време.