ПРИВЕДЕНИ 12 БУГАРСКИ ДРЖАВЈАНИ ВО ТЕТОВО Работеле без регулиран престој во Македонија
Против нив ќе бидат поднесени соодветни пријави согласно Законот за странци, соопшти тетовската полиција.
На градилиште на улицата Тодор Циповски Мерџан во Тетово, вчера попладне се уапсени 12 државјани на Република Бугарија, на возраст меѓу 34 и 66 години, кои работеле во зградата во изградба, соопшти тетовската полиција.
Можеби ќе ве интересира
При проверките било утврдено дека лицата имале нерегулиран и непријавен престој на територијата на државата.
„Кај лицата е утврдено нерегуларно и непријавено дејствување на ова подрачје. Тие се приведени во Полициската станица Тетово за понатамошна постапка и против нив ќе бидат поднесени соодветни пријави согласно Законот за странци“, се вели во соопштението.