ДОАЃА ГОЛЕМО НЕВРЕМЕ СО ВЕТЕР НАД 80 КИЛОМЕТРИ НА ЧАС Силни грмежи, интензивен дожд и услови за град
Претпладне времето ќе биде променливо облачно, со сончеви периоди, а попладне ќе биде нестабилно, наместа со невреме.
Жолто предупредување за невреме со силен ветер издаде Управата за хидрометеоролошки работи.
„Утре во попладневните часови времето ќе биде нестабилно, наместа со пороен дожд и со грмежи. Локално процесите ќе бидат поинтензивни во форма на невреме со интензивен пороен дожд, силни електрични празнења и силен ветер од западен правец, со брзина над 60 километри на час, а повремено ќе дува со брзина над 80 километри на час и со услови за појава на град“, се вели во предупредувањето на УХМР.
Претпладне времето ќе биде променливо облачно, со сончеви периоди,
Најстудено ќе биде во Берово, со утринска температура до 7 степени. Најтопло ќе биде во Гевгелија, со температура до 31 степен.
Во Скопје времето претпладне ќе биде сончево, а попладне нестабилно во делови од котлината со пороен дожд, засилен ветер и со грмежи, краткотрајно во форма на невреме. Температурата ќе се движи од 10 до 28 степени.
И во следните денови нè очекува слично време.
За време на викендот ќе биде променливо облачно со сончеви периоди, а во попладневните часови со локална појава на краткотраен пороен дожд, грмежи и засилен ветер. Наместа процесите ќе бидат поинтензивни во форма на невреме со интензивен пороен дожд, силни електрични празнења, ветер и услови за појава на град.
