🎥 „КЕЈТИ ПЕРИ МИ ГИ СТАВИ ПРСТИТЕ ВО ДЕКОЛТЕТО“ Исплива старо интервју на позната актерка

Старо интервју на актерката Ана Кендрик повторно стана вирално на социјалните мрежи, откако во јавноста се појавија обвинувања за сексуално злоставување насочени кон поп-ѕвездата Кејти Пери.

Кендрик, гостувајќи кај Конан О’Брајан во 2014 година, раскажа необичен момент од доделувањето на Греми наградите. Таа тогаш изјави дека пејачката ѝ „ставила прсти во деколтето“, додавајќи низ смеа дека тоа била „чудна вечер“.

Во извадокот од емисијата, кој и денес е достапен онлајн, публиката реагира со смеа, додека водителот накратко останува затекнат. Кендрик потоа иронично додава дека Пери е „многу зрела“.

Актерката го опиша настанот како неочекуван, но не и непријатен. Кога водителот побара дополнително објаснување, таа се пошегува дека нејзиниот фустан таа вечер „на некој начин го барал тоа“, алудирајќи на провокативниот крој.

Кендрик истакна и дека претходно веќе ја запознала Пери и дека ѝ се допаѓа нејзиниот „агресивен“ настап на сцена.

Сепак, случајот кој во меѓувреме го изнесе актерката Руби Роуз е значително посериозен. Таа ја обвини Кејти Пери за сексуален напад кој, според нејзините тврдења, се случил пред речиси две децении во ноќен клуб во Мелбурн.

Австралиската полиција потврди дека е покрената истрага по овие наводи.

Во објава на социјалните мрежи, Роуз наведе дека не ја интересира ставот на пејачката, додека од тимот на Пери ги отфрлија обвинувањата, нарекувајќи ги „опасни и неодговорни лаги“ и нагласувајќи дека се „категорично невистинити“.

Роуз подоцна изнесе и дополнителни детали, посочувајќи дека ѝ биле потребни речиси дваесет години за јавно да проговори. Таа вели дека тогаш била во раните дваесетти години, а денес конечно има сила да зборува за траумата што ја преживеала.

Во последователна објава, актерката им се заблагодари на луѓето за поддршката, потенцирајќи колку длабоки последици можат да остават траумата и сексуалното злоставување.