НОВ АПАРАТ ЗА ДИЈАГНОСТИКА НА ОСТЕПОРОЗА ВО МАЈЧИН ДОМ Дексаскен се користи и кај пациенти со ендопротеза на колк
Во Клиниката ТОАРИЛУЦ во Мајчин дом е пуштен нов дексаскен апарат за рана дијагностика на остеопороза. Инвестицијата е проследена со реновирање на просторот и подобрување на условите за пациентите.
Министерот за здравство, Азир Алиу денеска ги посети просториите на Клиниката ТОАРИЛУЦ во Мајчин дом, каде е обезбеден нов најсовремен апарат дексаскен, наменет за навремена дијагностика и следењето на остеопороза.
– Пуштањето во употреба на новиот дексаскен во Мајчин Дом претставува значаен чекор во зајакнувањето на капацитетите на јавното здравство, особено во делот на дијагностиката на остеопорозата како сериозен јавноздравствен предизвик. Остеопорозата е состојба која, доколку не се открие навреме, може да доведе до тешки последици за пациентите, и токму затоа раната и прецизна дијагностика е суштински важна. Особено е важно што станува збор за апарат со пошироки дијагностички можности, кој ќе овозможи не само навремено откривање и следење на пациентите со остеопороза, туку и примена кај деца, проценка на вертебрални фрактури, како и кај пациенти со ендопротеза на колк – појасни министерот Алиу.
Средствата се обезбедени со заедничка координација на Клиниката, Фондот за здравствено осигурување, Владата и Министерството за здравство, а паралелно со набавката на апаратот е извршено и целосно реновирање на просторот, со што се унапредени условите за обезбедување квалитетни здравствени услуги.