📽️ УМРЕВ…ЗА КАФЕ Нетанјаху се сними за да ги исмее гласините дека е мртов
Израелскиот премиер Бенјамин Нетанјаху ги исмеа гласините дека загинал во ирански напад. Тој ги порекна и тврдењата дека има 6 прсти на едната рака откако претходно се појавија монтирани видеа од прес-конференција. Дел од профилите тврдеа дека целата прес-конференција на премиерот била генерирана со вештачка интелигенција.
Израелскиот премиер Бенјамин Нетанјаху објави снимкаа со која ги демантира гласините дека загинал во ирански напад и дека наводно има 6 прсти на едната дланка. Со иронија и со шега, тој порача дека е жив и дека граѓаните треба да продолжат со секојдневниот живот, но со претпазливост.
„Го сакам мојот народ до смрт“
Во видеото, снимeно во мало кафуле, Нетанјаху нарачува кафе и со насмевка изговара реченица што предизвика лавина реакции.
– Умрев… за кафе – рече израелскиот премиер.
Фразата е чест израз во хебрејскиот јазик. Се користи кога некој силно посакува нешто.
Потоа Нетанјаху испрати порака и до граѓаните.
– Го сакам мојот народ до смрт – изјави тој.
Премиерот додаде дека е горд на начинот на кој Израелците се однесуваат во време на војна.
אומרים שאני מה? צפו >> pic.twitter.com/ijHPkM3ZHZ
— Benjamin Netanyahu – בנימין נתניהו (@netanyahu) March 15, 2026
Одговор на теориите за „вештачки Нетанјаху“
Видеото доаѓа по бран гласини на социјалните мрежи. Дел од профилите тврдеа дека претходната прес-конференција на премиерот била генерирана со вештачка интелигенција.
Некои објави дури тврдеа дека на снимките Нетанјаху има 6 прсти на едната рака. Затоа во новото видео премиерот ги крена двете раце и јасно ги покажа сите десет прсти.
Со тоа симболично ги исмеа теориите на заговор што кружат на интернет.
Еве како изгледаше проблематичното видео од наводна прес-конференција на Нетанјаху кое крена прашина во јавноста.
Is Israel using AI?
Netanyahu’s fingers have all the same size. At one point (watch the beginning of the clip) there appears a sixth finger.
Ignore the artefact on his right hand (left in the video). Concentrate on his left hand (right in the video). pic.twitter.com/yyRLyfugwL
— Alternative News (@AlternatNews) March 14, 2026
Порака до граѓаните во време на војна
Нетанјаху ги повика граѓаните да излезат од домовите и да земат свеж воздух. Сепак, предупреди да останат блиску до засолништата поради можни напади.
Ситуацијата во регионот останува напната. Иран и Израел секојдневно разменуваат напади.
Утринава израелската армија објави дека започнала копнена офанзива за „проширување на тампон зоната“ во Јужен Либан.