УСТАВНИОТ СУД ВО СРЕДА ЌЕ ОДЛУЧУВА ЗА „БЕЗБЕДЕН ГРАД“ Поднесени биле 3 иницијативи
Иницијативите се од Арбен Таравари, од Зијадин Села и од студент на Правниот факултет.
Три иницијативи се доставени до Уставниот суд на Република Македонија за оценување на уставноста на Законот со кој се овозможува воведување на системот „Безбеден град“, изјави вчера во гостување на ТВ Сител уставната судијка Ана Павловска Данева.
Иницијативите се од Арбен Таравари, од Зијадин Села и од студент на Правниот факултет. Ставени се како точка на дневен ред на Уставниот суд за оваа среда.
Можеби ќе ве интересира
– Сите три иницијативи се споени во еден предмет – рече Павловска Данева.
Јавноста сега има можност во живо да ги следи расправите и донесувањето на одлуките на Уставниот суд. Минатата недела Судот одлучи седниците да бидат отворени за јавноста.