🎥 АНДРЕА БОЧЕЛИ ДОЈАВА НА САН РЕМО НА БЕЛ КОЊ Италијанскиот тенор повторно ја воодушеви публиката
Андреа Бочели (67) го привлече целото внимание на фестивалот во Санремо кога спектакуларно се качи на сцената јавајќи на бел коњ.
67-годишниот италијански тенор, Андреа Бочели се качи на сцената на фестивалот во Сан Ремо јавајќи на бел коњ, а како чест гостин на фестивалот, и овојпат повторно ја воодушеви публиката. За својот настап, тој го избра својот препознатлив смокинг со вратоврска-пеперутка.
Настапи на финалната вечер
Андреа Бочели беше гостин на финалната вечер на Санремо. Откако привлече внимание со пристигнувањето на коњ, тој отпеа две песни што го поврзуваат со фестивалот. Со песната „Il mare calmo della sera“ во 1994 година, тој ја освои категоријата Nuove Proposte (млади/нови изведувачи) и практично се лансираше пред пошироката публика.
Го изведе и глобалниот хит „Con te partirò“.
View this post on Instagram
Како дел од вечерта, Бочели на сцената ја доби и наградата „Premio Città di Sanremo“ (Награда на градот Санремо) како признание за неговиот придонес во ширењето на италијанската музика низ целиот свет.
Тој беше придружуван од неговата сопруга Вероника Берти (42), со која е во брак од 2014 година.
76-ти италијански музички фестивал Санремо
76-тиот италијански музички фестивал – Санремо се одржа во Италија од 24 до 28 февруари. На сцената на театарот „Аристон“ во Санремо беше направен и изборот за тоа кој ќе ја претставува Италија на Евровизија, а Сал Да Винчи победи, но сè уште не е познато дали ќе ја прифати таа улога (има право да одбие).